《讀者投稿》
我都忍咗個女人好耐，終於忍唔住要爆喇...我未婚夫有一個同母異父嘅妹妹，由細一齊長大，平時都好close...但係一路都好唔鍾意我未婚夫有伴侶呢個事實。
記得第一次見佢係上一年嘅聖誕節，當時我哋已經訂左婚，好正常我就跟咗未婚夫返佢屋企慶祝聖誕節(我自己一個人係海外定居)，一嚟到呢個妹就俾面色我睇，黑口黑面，我已經好盡力咁同佢有一啲基本嘅對話，佢都可以十問九唔應，咁我都冇乜嘢嘅，咪大家當搭抬食飯囉...
後尾佢知道左我同佢阿哥要結婚，佢就發晒癲要我未婚夫同我簽婚前協議，我未婚夫返嚟同我講，我都費事同佢哋嘈，一於坐定定同佢地傾清楚大家各自有幾多資產，婚前協議又想點樣傾。其實我自己嘅資產多過佢地成家人，但係我都冇諗過要同我未婚夫簽任何婚前協議，因為我覺得結得我就唔打算離婚，同埋我亦都唔係咁計較錢銀嘅人。當我坐低同佢地傾嘅時候，我列晒我所有資產出嚟，然後條八婆收聲都收唔切，從此一句都冇提過婚前協議呢四隻字。我未婚夫話返佢轉頭，話我自己有錢過佢哋都冇同佢哋咁計較，點解佢個妹要建議啲咁樣嘅嘢。
今年夏天佢生咗BB，咁我未婚夫就諗住揸車同我一齊去探望佢啦，我未婚夫都未同佢講話我會一齊嚟，佢已經開到聲同佢阿哥講話唔想見到我，話生小朋友係一件好個人嘅事，唔想見到啲外人喎(但係當時我哋已經訂左婚，仲已經開始排期婚禮)，然後仲要質疑我哋兩個嘅關係。我都算數啦，唔見咪唔見囉，不過我都買足晒禮物比佢同佢BB(嬰兒用品，同少量媽媽補身嘅食物)，費時佢遲啲又多聲氣話我唔識做人。
嚟緊我哋結婚，簽紙同Reception分開攪。我姑仔已經開到聲話唔會嚟睇簽紙，但係淨係想嚟Reception. 其實我哋由始至終都未計劃要邀請咩人參加。我淨係講左一句: Sorry喎, 我結婚係我好個人嘅事，唔係好想見到啲外人嚟我個婚禮:)
＃我的極品四大長老
Search